王維基的香港電視正爭取免費電視牌，早前在節目巡禮更播出不少重口味劇集片段，顯示創新意念。無綫高層樂易玲前晚到圓方出席慈善首映，指無綫不反對發牌，但要有明確指引。對於王維基製作的電視劇尺度大膽，樂易玲狂踩香港電視稱不上電視台，只是製作公司，並說：「我係阿媽，一定唔畀個仔睇。」
無綫高層樂易玲與囝囝前晚在圓方出席《吸血新世紀4破曉傳奇下集》慈善首映，同場還有邵美琪與男友施祖男、陳靜（DaDa）及郭穎兒（Celia K.）等。樂易玲受訪時，談到無綫親生仔女林峯及陳法拉等支持政府發免費電視牌，她說：「收到公司畀同事嘅短訊，知道立場係唔反對發牌，政府公平、公正、公開講發幾多、幾時發，因為會影響到電視業界發展同藝人收入，我哋支持，但要有明確指引。」
彈尺度有問題
有指無綫想再爭取多一個牌照，樂易玲謂公司多年來緊守崗位，按政府發牌條例，製作兒童、政府訊息及資訊節目：「再發牌，指引會唔會變？政府要求無綫同亞視投放資源去高清同新器材，維持到2015年，之後點？政府要明確講畀我哋知。」
王維基的香港電視早前搞節目巡禮，其間播出不少重口味劇集片段，對此樂易玲指無綫有自我監管，節目老幼咸宜，又說：「我有留意某電視台，唔應該叫電視台，係製作公司，話製作好突破，乜呢啲可以喺免費電視播？唔投訴咩？作為觀眾會問：睇得咩？政府要劃清界線，係收費電視定免費電視。」
不過，其實樂易玲未看過香港電視的節目片段，只看過有關報道，問她可覺得尺度大膽？她繼續說：「如果係製作公司，拍乜都得。如果係免費電視，廣管局同政府要監管。」如政府放寬尺度，無綫會否學王維基的製作？她說：「政府可以有唔同嘅秤？可以咁唔公平？我諗政府唔會咁。」
稱無綫非霸道
之後樂易玲繼續談到香港電視的重口味劇：「報道講嘅鏡頭可能係NG，唔知播唔播，但我係阿媽，一定唔畀個仔睇，下一代教育好緊要。」她謂無綫不怕競爭，因無綫做得好：「一台獨大係大家畀嘅稱呼，你話係龍頭大哥？係！唔係霸道，係真係做得好。」
對於樂易玲的評論，香港電視傳訊助理總監鄭靜雯昨受訪時說：「我諗佢（樂易玲）講緊某一類題材嘅劇，我哋有12套劇，各類題材都唔同。當然大部份適合免費電視台播，有啲喺試片度寫明係網上版，我哋明白電視尺度喺邊。」
採訪、攝影：林嘉慈
一人一票投蘋果【萬千星虧】，對撼 CCTVB 公投↓↓↓
http://tv-voting.appledaily.com/