若要嚴選立法會最有喜劇效果嘅議員，民建聯蔣麗芸肯定榜上有名，以獅吼功被冠「元秋」嘅佢，幾乎成為議會「開心果」，只要佢一發言，議員就笑唔停。
前日立法會辯論對狼振英嘅不信任動議，元秋又帶畀同僚無限歡樂。事緣身為梁粉嘅佢起身發言時，竟然使出久未施展嘅獅吼功，高呼「我信梁振英！我信佢！」佢未咆哮完，全場議員已經爆笑，元秋非常入戲，大聲喝道：「呢個係好嚴肅嘅話，大家唔好笑。」點知佢叫人唔好笑呢一幕，令大家笑得更大聲。元秋發言短片喺網上熱傳，唔少議員都好希望元秋次次都發言，事關佢嘅賣力演出，百看不厭。