只由689位選委選出嘅狼振英，帶契689呢個冧巴大熱。有網民早兩日就喺街上發現一個「CY 689」車牌，猜測CY唔通喺特首選舉後，對689情有獨鍾？
避祝市民聖誕快樂
八方去運輸署查吓個車牌號碼，發現689擁有人原來另有其人。車主查實叫「莊元」，英文名簡稱即係CY啦；至於點解CY後要配689？怕且都係得車主自己先知嘞。
至於如假包換嘅「689先生」，唔肯聖誕快落台之際，都冇祝人聖誕快樂喎。佢噚日出席一個名為「聖誕頌歌節」活動時，唔知係咪吸取上次喺奧運金牌運動員訪港一役唱歌勁走音教訓，冇再開腔獻技；佢致辭時仲好諷刺咁話，聖誕節快到，自己感覺到「人間有溫暖」喎，唔知係咪想講，保皇黨喺佢誠信破產時，仲敢逆民意否決不信任動議，令佢好warm呢？最尾佢祝全港市民有個愉快嘅聖誕，始終冇講出「聖誕快樂」呢四粒字。