山貓「波神」班主米高佐敦一直都好照顧隊波，甚至連球隊練波都會出席，傳授一下自己嘅「神技」。山貓周二練波之後，着住新貨Air Jordan XX8嘅MJ親自落場同G軒達臣、比約保練波；由步法到轉身球投，都好細心咁指導，仲親自做防守畀佢哋試招。兩位球員之後同記者都話，49歲嘅 MJ身手仲好掂，教嘅嘢都好有用。你話啦，呢啲班主邊度搵？