【銅鑼灣】楊千嬅同老公丁子高嘅囝囝Torres已經6個月大，佢哋兩公婆亦開始番正常嘅工作同社交活動，前晚10點幾，千嬅同老公齊齊撇甩囝囝出街拍拖，素顏嘅千嬅同老公喺銅鑼灣開平道食完飯，十指緊扣行去新寧道攞車。
梁政珏帶狗掃碟
問千嬅同丁子高係咪提早做節，千嬅笑晒口話只係同老公啲朋友食飯，其間丁子高搵個代客泊車攞番架車，千嬅自行上車，丁子高就豪爽咁畀低一百大元，然後恩愛地返屋企睇囝囝。
前晚除咗千嬅兩公婆喺銅鑼灣出沒，梁政珏夜晚7點幾都現身逛景隆街，見佢泊低車後，一個人抱住隻狗走入去影碟舖，左揀右揀，好快手就揀咗三、四隻碟，但意猶未盡，佢仲叫職員介紹啲愛情片畀佢，相比千嬅同丁子高，睇嚟dry爆嘅梁政珏係買碟返屋企狂煲。
採訪、攝影：徐錦池、李志明、梁繼光、彭琮然
一人一票投蘋果【萬千星虧】，對撼 CCTVB 公投↓↓↓
http://tv-voting.appledaily.com/