大話英個狼班子去到邊都不受歡迎。話說VTC噚日喺會展舉行畢業禮,由於人數太多,分三場進行,點知第二場有教育局局長吳得掂出現就出事嘞!
吳得掂應邀做畢業禮嘉賓同學生致辭,點知佢一上台就俾人柴台,聲都未開,台下就有人大叫「落台!」跟住全場起哄,齊聲噓足佢五秒。可能係習慣咗啦,吳得掂都表現得好冷靜,一於扮聾當聽唔到,但致辭時就面黑黑囉。有同學仔就話,覺得吳克儉嘅表現一直唔掂,特別係國民教育一役,就好應該問責下台。