跟商台關係麻麻的古巨基，自從好友陳志雲入主揸弗後有望在《叱咤》頒獎禮成績反彈。但近日傳基仔依然被商台打壓不播他的新歌，更輸給師弟羅力威，不入最喜愛男歌手五強，前晚基仔出席頒獎禮，表明跟陳志雲私下不談公事，不會獎。
古巨基、容祖兒、江若琳及羅力威等，前晚到中環出席雜誌的頒獎禮。近日有指環球高層黃劍濤跟在商台任職要位的老婆甘菁菁，私下再度聯手出擊打造陳奕迅在下月1日的《叱咤樂壇流行榜頒獎典禮》上成男歌手大贏家，因此打壓基仔不播他的新歌《初初》以免搶高播放率，基仔更不入我最喜愛男歌手五強，連師弟羅力威也不如。
「自己睇透睇化」
問基仔會否出席《叱咤》頒獎禮？他說：「工作時間表仲排緊，過到12月21日先算，工作都幾滿，除夕同元旦可能返內地做倒數活動。」基仔稱會否出席由公司安排。談到我最喜愛男歌手不入五強，基仔借《寒戰》戲中對白回應：「我睇咗《寒戰》，當中有對白話學識明同暗都有遊戲規則，自己睇透睇化，唔緊要。」至於傳被打壓不播其新歌，基仔聲稱沒有特別關注，不想知太多，更表示終有一日會不再攞獎。但基仔和商台CEO陳志雲私交甚篤，基仔說：「我同佢係唔會講工作嘅嘢。」
同場的羅力威則和基仔合照，兩人有講有笑沒有芥蒂，羅力威說：「大家心照，佢係大哥哥，冇講啲是非，唔回應，我同基仔見面好舒服冇尷尬。」問到祖兒有關基仔傳被商台打壓，她說：「唔好太專注獎項，我唔覺有打壓，商台個個都錫佢。」但環球和商台一向關係好，祖兒即說：「唔使講都知，但基仔實力都好平均，我對佢有信心。」
祖兒唔陪浩龍
此外，祖兒昨日在尖沙嘴出席聖誕倒數表演記者會，這豈非不能和男友劉浩龍度過？她表示工作為上。日前有觀眾向本報投訴指祖兒等人去看韓國組合BIGBANG騷時，飲酒玩到癲騷擾他人，祖兒說：「我嗰晚頭痛又胃痛，入到場好專注睇騷，好開心但未致於狂歡。」
至於鍾舒漫被指醉酒同女性咀嘴，祖兒說：「我冇見佢，玩應該開心，我冇見隨地有酒樽。」
採訪：王連連、溫敏芝
攝影：陳順禎
一人一票投蘋果【萬千星虧】，對撼 CCTVB 公投↓↓↓
http://tv-voting.appledaily.com/