今屆亞視20位候選亞姐噚日去咗荔枝角，跟前亞姐冠軍張家瑩學瑜伽，成班女仔上身着小背心，露出一條小蠻腰，各種動作都展示咗一班佳麗嘅美好豐滿身段，5號許麗莉十分好動，除咗瑜伽，仲鍾意爬山同打網球，而且佢對自己身材都非常滿意。
大師姐張家瑩話自己出年年底先同亞視滿約，佢唔信亞視會執笠，仲話：「新電視台開到先算喇！」但提到老闆王征憑騎呢騎馬舞演出，喺本報嘅最虧頒獎禮最虧男主角中遙遙領先，冇得輸，張家瑩聽到好驚訝，呆晒咁話：「乜係最虧呀？咁我老闆係出位啲，我都懷疑佢有練過。」
撰文：洪紅克
一人一票投蘋果【萬千星虧】，對撼 CCTVB 公投↓↓↓
http://tv-voting.appledaily.com/