對於有指上周五，律師到警署聲稱就懷疑有食肆濫收費用和有人利用錄影帶勒索而報警，但警方發言人指，律師是代表姓陳及姓徐女子，就食店內發生的刑事恐嚇案提供資料，蘇律師說：「絕對錯誤，我有問過警方反應，警方同意係錯誤，我亦有報案編號。」律師指其中一人已落口供，昨早亦向黃浩發出律師信，暫未收到任何回應。
記者問藝人會否去驗血驗尿證明健康？全場靜默，阿徐、超儀及李璨琛怒睥記者，之後律師代答：「我哋開記招目的係講番去年10月，希望大家就呢件事發問。」記招結束後，工作人員指藝人欲就驗尿問題再回應，阿徐再出來說：「之前有記者問呢個問題，呢件事令我哋好不安，點解要用驗身證明冇吸毒，我哋係清白冇做過，點解要用呢樣證明我哋清白。」超儀亦說：「對方話有餅帶，跟住又話冇，佢唔攞證據出嚟，為乜我哋要去驗血，雖然我哋唔介意咁做。」李璨琛則說：「如果要驗，叫佢一齊去驗。」
採訪：魯萍
攝影：陳慧安、葉君海
一人一票投蘋果【萬千星虧】，對撼 CCTVB 公投↓↓↓
http://tv-voting.appledaily.com/