曾志偉昨日到佐敦為好友新店剪綵，提到徐濠縈及超儀等人開記者會否認參加迷幻飯局，志偉表示：「佢哋都屈咗好耐要澄清，大家都想快啲完結事件。」有傳娛樂圈要趕絕黃浩，志偉笑笑口說：「唔好咁講，佢老婆（徐淑敏）無綫一向都好錫，乖女，一件事還一件事，見面都唔尷尬，佢夾喺中間，佢老公唔撐唔得。」志偉聲稱沒有跟黃浩聯絡，跟他不熟。
至於黃浩報警稱日前在婚宴上被人掌摑事有否進展，志偉表示：「我諗應該冇事，因為睇咗片冇啲咁嘅事。」再問阿徐等人聲言要反告黃浩報假案，志偉說：「可能黃浩話冇睇過片，所以啲人要還番佢哋清白，因為藝人有代言，對形象及產品都要有交代。」
外界指黃浩今次自找麻煩，志偉先笑幾聲再說：「今次係好好嘅警惕，冇咁嘅事就唔好咁講，件事對娛樂圈有負面影響，所以說話唔好亂講，食物就可以亂食，因為可以嘔番出嚟。」
採訪、攝影：王崇穎
一人一票投蘋果【萬千星虧】，對撼 CCTVB 公投↓↓↓
http://tv-voting.appledaily.com/