在今次黃浩聲稱有人在其食肆涉嫌吸毒事件上，牽涉到不少法律問題，記者昨日致電向黃國桐律師逐一了解，務求令讀者解開疑團。
Q：假設迷幻短片真的存在，當中有人在食肆內疑似捲煙，究竟是否有足夠證據指控客人吸毒？
A：淨係條片唔夠，一定要有人證，因為條片可以有好多解釋，佢哋食緊嗰啲係乜嘢呀，係咪拍緊戲呀，或者係一個實驗劇場，如果我係辯護律師，好多point可以打。
Q：如果片段相隔10年後才供出，可否當成證據？
A：唔關事，就算幾耐之前，如果啲人（證人）記憶係好，係冇乜問題。
Q：食肆東主有沒有權去盜錄廂房內的實況？
A：我唔覺得係盜錄，話明係餐廳，係食飯㗎嘛，我唔覺得有乜嘢私隱嘢喺入面俾人拍到，亦唔算侵犯私隱。
Q：如在網上發放餐廳閉路電視的短片，會否觸犯法例？
A：唔關發唔發放事，呢個唔係淫褻刊物，咁有乜嘢問題呢？
Q：若片段意外流出，店主需要負上責任？
A：唔使。不過如果係名人嘅話，可以同法庭申請injunction（禁制令），唔畀你發放。
Q：假設東主得悉當初有客人在店內疑似吸毒，但不向警方提供資料，是否違法？
A：冇知情不報呢回事，你唔需要做一個好市民。
Q：若警方要求對方交出片段？
A：警方係冇呢個權力，但如果有足夠證據，警方可向裁判司申請，然後個官畀命令要東主交出。
採訪：林妃
一人一票投蘋果【萬千星虧】，對撼 CCTVB 公投↓↓↓
http://tv-voting.appledaily.com/