隔牆有耳:<br>基金大縮水 衞奕信拍片搵捐助 - 李八方

隔牆有耳:
基金大縮水 衞奕信拍片搵捐助 - 李八方

港人近年越來越重視保育,成立咗廿年嘅衞奕信勳爵文物信託申請者亦按年遞增。委託人委員會主席伍步謙噚日介紹廿周年活動時卻大呻,過去幾年受金融海嘯影響,收到嘅捐助大縮水,所以嚟緊都會四出搵人「揼心口」幫補吓。
信託自92年成立至今,資助150個項目,總資助額高達4,000萬。原來佢哋趁衞奕信10月訪港期間,搵對方拍咗條宣傳短片。衞奕信喺短片中話好支持香港保育,唔知佢開金口後,會唔會有善長自動獻身呢?