【本報訊】澳門賭客無煙食？據澳門《預防及控制吸煙制度》規定，澳門各賭場需於2013年1月1日起設置不超過公眾使用區域總面積50%的非吸煙區。有券商擔心有關法例將會影響賭客的賭博意欲，間接令賭收減少。
澳博（880）執行董事梁安琪明言禁煙或會帶來收入短期的負面影響，惟相信長遠會令賭博環境更好，故對賭場禁煙仍「舉腳贊成」。
大摩憂拖累賭博收入
大摩發表報告指出澳門賭場於明年實行禁煙後或會拖累賭博收入，預期明年第一季賭收增長將按季由8%「減速」至1%。該行稱，美國及澳洲賭場實施禁煙後第一年賭收平均減少約12%。
報告又指出，澳門賭客有近九成屬於煙民，而美國及澳洲的吸煙賭客比例則少於五成，相信澳門禁煙對賭收的負面影響將較或美國及澳洲更大。另外，大摩的分析員亦認為澳門賭場會傾向將中場劃成禁煙區，並保留賭收主要來源的貴賓廳作吸煙區。
對於賭場於明年初需要禁煙，有基金經理指出「睇返份報告嘅數據，列出嚟嗰啲美國同澳洲嘅賭場實施禁煙之後嗰一年，都係經濟唔好，究竟真係禁煙對經濟有影響都講唔定。澳門班賭客係有唔少人食煙，但去得賭場都係為咗賭，食唔食煙都已經係其次。加上要劃都係劃中場做禁煙區，班中場客又唔會坐定定賭，影響相信好細。」
無規範吸煙區範圍
賭王四太、澳博執行董事梁安琪表示禁煙或令博彩商生意受到一定影響，惟她認為長遠來說對企業仍然利多於弊。她表示「初期或者係會對生意有一定影響，但我哋要睇得長遠啲，呢個係世界性嘅趨勢。（會否影響內地賭客賭錢嘅意欲？）內地都做緊禁煙啦，成個賭場個空氣質素改善咗，對我哋員工同賭客都係好事。」
瑞信賭業股分析員陳偉邦亦認為有關措施對賭收的影響輕微，「家講緊喺總建築面積一半要禁煙，而唔係要將一半嘅賭枱做禁煙，咁樣廁所都可以劃做禁煙區，咁即喺可以做到好大嘅禁煙區屬於非博彩地方。」
據了解，澳門當局需規定賭場設不少於總面積一半的非吸煙區，惟沒有細緻規範吸煙區範圍，令賭場或可把走廊和洗手間等非博彩區域列為非吸煙區，而大部份賭枱範圍仍可繼續吸煙。