鍾舒漫（Sherman）早前返媽咪的家鄉雲南尋根，由於親戚們種田養雞，Sherman很開心可以落田摘粟米，親親大自然，不過她呻鄉間很多烏蠅，餐餐都跟她爭食，十分討厭。
撰文：皓騫
鍾舒漫的媽咪是雲南姑娘，Sherman在一歲和三歲那年，曾跟家人回鄉探親，不過因當時年紀太細，現在已完全零印象，故早前舉家再返雲南旅遊，Sherman覺得很新鮮，還首次真正欣賞當地的湖光山色。
落田摘粟米
Sherman表示媽咪是在雲南長大：「以前仲係歌舞團嘅成員，今次返去探親同舊團友，雖然我全部人都唔識，不過佢哋就全部都識我，表舅父屋企仲貼滿我啲BB相，真係好搞笑。」Sherman謂在雲南有很多親戚，如外公、外婆、表叔、表姨、舅父等，絕對是一個大家族：「公公婆婆住鄉村，親戚每人都有一大塊田，每朝我都起身摘粟米，體驗到簡單嘅耕田生活，自給自足。」
難得到雲南，Sherman跟家人暢遊麗江、大理海東雙廊欣賞靚景，她大讚當地天氣清涼，十分舒適；食物方面更加合口味，Sherman說：「我最愛食辣，親戚個個都有農場，又養雞鵝，每餐餸都好新鮮，但超多烏蠅，一邊食飯一邊趕烏繩，好討厭。」
去邊度：雲南
玩幾耐：5日
一人一票投蘋果【萬千星虧】，對撼 CCTVB 公投↓↓↓
http://tv-voting.appledaily.com/