西藏5100（1115）作為香港唯一一隻西藏股，背景向來神秘，舉例：大股東王堅從未現過真身，又好似冇乜參與公司營運，外界對王堅真係所知不多。
但神秘人都要娶老婆嘅，根據港交所（388）資料顯示，一位叫做關嘉媛（Kathy Kwan）嘅女子，本月8號突然持有西藏水43.23%股權，由一股都冇變成大股東，持股量同王堅一樣；佢亦申報自己嘅配偶係王堅，咁即係王老闆娶到嬌妻啦。
翻查Kathy資料，佢係美林前賓架，個證券牌2011年1月先取消，嗰陣西藏水都未上市，等到6月先上到。而幫公司搞上市嘅投資銀行係摩根大通同建銀國際，半年後王堅配股都搵番摩通，睇來兩人唔係因為搞上市而結緣喎。