噚日又見一班亞姐喇，黎燕珊（珊姐）到中環教亞姐談吐技巧，最近傳如果政府發新嘅免費電視牌，亞視有可能執笠，元老級嘅珊姐力撐話：「大家成日話亞視冇製作，我不停咁有嘢做，士氣一樣，我從來冇受影響，做好本份，王生（王征）做得好好，好努力，只不過需要時間磨合香港嘅生活，我哋作為後盾同員工，要支持佢。」但係呢個老闆行徑騎呢，珊姐就話：「人生好多變化，家呢刻係畀我學習，我反而覺得再返番嚟，呢個景象幾好。」
誓不劈炮
至於羅霖話劈炮退出仁美清叙，咁珊姐又會唔會繼續做？佢話：「我冇諗，仁美係我一手湊大嘅BB，係會長又好、理事又好，我會不離不棄，唔少會員都話冇我就散。」
另外，嚟自香港賽區冠軍嘅3號陳彥蓉啲廣東話都幾差，佢好識做話會睇住亞視啲節目學廣東話，但問佢選完會唔會簽亞視，佢就話要睇吓先。
撰文：馮仁昭
一人一票投蘋果【萬千星虧】，對撼 CCTVB 公投↓↓↓
http://tv-voting.appledaily.com/