雖然曼城喺周日打吡戰輸畀曼聯，但領隊文仙尼仲死撐：「以球員實力同發揮，我哋技高一籌。」喺曼市打吡衝入場想打里奧費迪南嘅曼城球迷就發信道歉，佢張季票都已被取消；而中場巴利就俾英足總告，喺比賽侮辱球證，佢最遲要周四決定認唔認罪。仲有啲花邊嘢，有傳媒影到曼城中堅尼史葛去買水煙，唔通佢諗住借煙消愁？