徐子淇昨晚以一身70年代寶珠姐的造型，在灣仔出席活動，老公李家誠懷舊造型怕醜，更避見記者。周六子淇跟老公結婚6周年紀念，下周五（21日）傳聞世界末日，子淇一家如常出埠，但驚青的她掃定奶粉、水、電筒、電池上機，以防萬一。
千億新抱徐子淇昨晚和政務司司長林鄭月娥等，在灣仔為當代視覺藝術展主持開幕。活動大玩70年代懷舊，子淇穿上彩色橫間恤衫、花花半截裙，更炮製熨貼長直髮，以寶珠姐造型出現，她說：「因為係藝術中心35周年，所以用70年代做主題，我係80後，唔知70年代興乜嘢，要周圍問人，所以將間條同大花圖案撞埋。」
老公着喇叭褲
子淇又爆老公李家誠怕醜，不肯在記者面前出現，她笑說：「我準備咗條喇叭褲畀佢着，但佢唔肯，我帶咗假髮嚟，等佢醉醉哋就逼佢戴。」
周六是子淇跟李家誠結婚6周年紀念，她卻完全忘記，連禮物都要暫時欠住，她說：「我唔係一個好太太，老公喺日曆度寫住『食飯』，我仲去問秘書做乜食飯？同邊個食飯？真係有啲疏忽。因為家要照顧三個仔女，聖誕又要一家人去旅行，一家五口要勁執好多用品。」
機上度過末日
以往聖誕外遊的朋友，今年都因世界未日論留港，不過子淇在傳聞末日的21日當天，舉家會在高空中：「佢哋話喺香港安全啲，嚇得我走去查瑪雅日曆，又周圍問人，仲做埋啲婆仔嘢，喺超市掃定啲水、奶粉、罐頭，早少少準備，連老公都話我太驚青。」她更買定電筒、電池上機：「我真係一個驚青嘅人，咁家有咗細路，更加擔心囉。」但她笑言若真世界末日，要去試玩sky diving等刺激遊戲。
採訪：顏英儀
攝影：林德雄
一人一票投蘋果【萬千星虧】，對撼 CCTVB 公投↓↓↓
http://tv-voting.appledaily.com/