楊采妮早前隨宣明會到東歐格魯吉亞及亞美尼亞貧民區作慈善探訪，早前她在大角嘴接受訪問，透露此行最特別是首次探望助養的囡囡，送上洋娃娃及聖誕頭箍：「佢裱起我寄嘅信，信對佢好重要，所以千祈唔好懶而唔寫，佢唔知我係藝人，知我喺香港嚟，先查吓係咁遠。」此行激發母愛？她說：「一直潛在，同佢玩個責任唔同，希望以後做媽咪。」
好友許茹芸爽快答應同行，更帶三大箱行李做禮物，楊采妮說：「佢心地好好，行李冇自己嘢，走嗰時條村好多人着佢送嘅衫，我就送玩具。」會否帶男友同行？她說：「唔知，組合係睇緣份，未試過一齊去，最好伴侶係梁詠琪。」
採訪、攝影：林嘉慈
一人一票投蘋果【萬千星虧】，對撼 CCTVB 公投↓↓↓
http://tv-voting.appledaily.com/