王祖藍和關心妍今年獲選十大傑青，前晚祖藍沒有女友李亞男在身邊支持，到會展攞獎，只得家人撐場，祖藍表示稍後再與女友慶祝。對於好友志偉涉掌摑風波，祖藍未有問候對方，不過即寸黃浩「少啲報警，理多啲屋企。」
王祖藍和關心妍今年獲選為十大傑出青年，前晚在會展出席「十大傑出青年選舉2012」頒獎禮，祖藍的父母、嫲嫲及無綫高層樂易玲均有出席支持，惟獨未見女友李亞男，祖藍指女友返了加拿大探親：「佢有send message畀我，電話都係嗰幾個公仔。」問他是否錫錫公仔？他笑說：「大概嗰啲啦。」祖藍表示等女友返港後，會連同聖誕節一同慶祝，因他現時有兩部戲在身較忙。
得獎添責任感
問祖藍獲傑青後會否很大壓力？他坦言：「身邊好多人同我講，叫我醒定啲，唔好做錯事，我覺得係有責任感咗，多謝大會錯愛，會盡力做好啲。」提到其好友曾志偉涉掌摑風波，問他有否問候志偉？他說：「我知佢好忙，所以冇搵，見佢喺東華狀態咁弗，都知道冇事。」其後他似暗寸黃浩說：「希望大家留意多啲家庭，少啲報警，理多啲屋企。」
關心妍搵肌男
關心妍前晚表示面試傑青時已好緊張，見五個評審驚過在紅館唱歌，她說：「呢個獎真係好重，終於得到肯定，我都想年輕人知道努力係可以嘅，唔好放棄。」她表示剛申請成立「妍亮生命慈善基金」，主力是助戒毒後的人讀書，現已籌到六位數字善款。另外她昨日在金鐘出席多媒體活動，表示將拍微電影，會首次自編自導自演，考慮找個肌肉型的男主角。
採訪：譚倩宜、胡比
攝影：譚倩宜、陳慧安
一人一票投蘋果【萬千星虧】，對撼 CCTVB 公投↓↓↓
http://tv-voting.appledaily.com/