鐵達時《100年之約》廣告，自播出以來，菲菲面書已被「喊死了」、「很感動啊」之類的Status洗版。自問係一個淚點奇低嘅人，睇慘情戲時，他人剛醞釀情緒菲菲已垂淚。但偏偏呢個廣告，菲菲完全冇Feel。作為「冷血」的小眾，菲菲知道問題在於廣告太Hard sell！
以廣告2分鐘版統計，鐵達時手錶大Close-up鏡頭竟多達5次，平均24秒一次，此數字已撇除男主角不經意望錶嘅鏡頭，認真慌死你唔知賣緊錶。一個廣告如靠不停重覆畫面，先達到洗腦效果，這算失敗。將鐵達時1993年周潤發《天長地久》廣告比較，片長2分半鐘，手錶近鏡只出現兩次，且冇死唔斷氣，廣播劇大長篇對白；亦冇氣勢磅薄的《愛是永恒》；只係用畫面襯音樂底，卻成功打造夭心夭肺嘅經典故事。
不過拎住鐵達時嘅寶光（084）話，廣告出街後生意額急跳升。廣告感動唔到菲菲，又有乜嘢所謂？
Fifi
本欄逢周二、四刊出