【大話特首】
【本報訊】原意為僭建醜聞「拆彈」的答問大會，卻因為特首梁振英繼續「大話冚大話」而變成「批梁」大會；泛民表明對梁振英的「大話解畫」不收貨，堅持啟動倒梁行動，頭炮是本周三的不信任動議、下周三則提出運用《立法會（權力及特權）條例》徹查梁宅僭建；元旦日大遊行更成關鍵，泛民呼籲市民1月1日站出來，用民意力迫梁振英下台。
記者：陳雪玲 姚國雄
「我哋在此呼籲，全港認為梁振英冇資格再管治香港嘅市民，1月1日維園見！」泛民在梁振英答問大會後半小時，舉行聯合記者會，表明不滿梁振英的「解說」，直斥答問大會是一場鬧劇，斥梁振英已誠信破產，必須下台。
多名泛民議員昨在記者會上稱，梁振英參選特首時，曾藉僭建攻擊對手唐英年指「你嘅僭建唔係單純嘅僭建問題，而係公開咁向市民講大話，隱瞞你嘅僭建問題」，事實卻是他與唐英年無異，但梁振英卻堅持只有疏忽、沒有隱瞞，比唐英年處理手法更加不堪。
如期提出不信任動議
面對誠信破產的大話特首，泛民預告會狙擊到底，直至梁振英問責下台。民主黨胡志偉將在明天立法會大會上，如期向梁振英提出不信任動議；胡志偉昨指梁振英繼續留任，只會拖累整個特區政府，稱經過昨日的答問大會後，料議員已理解梁振英在狡辯，理應要求梁振英下台。
工黨李卓人將會「接力」在本月19日大會上，動議引用特權法徹查梁振英的僭建醜聞。李卓人昨日在會上直斥梁振英厚顏無恥，是專業騙子，指對方昨日在答問大會上涉及至少六個大話，譏諷梁振英「偷雞封咗個密室就當冇僭建，仲大大聲攻擊唐英年」。
李卓人續表示，以特權法傳召梁振英交代清楚的一大好處，是可以充份取證，為日後泛民提出彈劾案時儲足「彈藥」。
據了解，民主黨創黨主席、資深大律師李柱銘正積極協助社民連梁國雄草擬彈劾案；民主黨單仲偕引述李柱銘指，有信心有足夠理據提案，相信可緊接特權法的動議後提交立法會。
有消息指，若李柱銘炮製的彈劾案成功出爐，泛民傾向支持。
雖然以上兩項稍後在立法會提出的動議，極有可能在建制派護航反對下被否決，但泛民還有撒手鐧：700萬民意。民間人權陣線將在元旦日發起倒梁大遊行，下午3時由維園遊行政府總部，要求只由689人選出的梁振英下台。
泛民指出，2003年50萬人上街，可以令前特首董建華「腳痛」落台，相信市民若在元旦日再創歷史，梁振英便有可能「頭痛」下台。
民協馮檢基表示：「相信今時今日，我哋亦可以靠民意踢走梁振英。」公民黨郭家麒也呼籲市民元旦日站出來，稱梁振英必須辭職，「香港先可以重新開始」。
議員發言金句
工業界 林大輝
「昨日嘅因，今日嘅果；今日嘅因，明日嘅果，天理循環，報應不爽。阿彌陀佛。」
工黨 李卓人
「你厚顏無恥，係專業騙子；成個問題係誠信問題，你個位你呃番嚟，你係咪應該落台？」
人民力量 黃毓民
「你知唔知個醜字有幾多劃？梗係唔知啦，佢唔知個醜字點寫。」
獨立 謝偉俊
「你會唔會承諾喺唔影響香港大局下，一、兩年內落台，至少唔會尋求下次連任？」
自由黨 田北俊
「細細哋200幾呎僭建，你封咗佢，就覺得係冇僭建，選舉時仲可以咁大聲講話冇僭建？」
公民黨 郭家麒
「如果一個特首係冇誠信，佢最應該做嘅，係咪喺呢個時候，辭去呃番嚟嘅職務？」
教育界 葉建源
「僭建問題上，你有冇慚愧﹖如果心中冇慚愧，道歉又有乜意義？」
工聯會 麥美娟
「你點解一開始唔開誠布公，要傳媒逐次逐次問，你就好似擠牙膏咁擠出嚟？」
經民聯 林健鋒
「有人質疑屋宇署偏幫你，比起處理唐英年時寬鬆……（屋宇署）署長係你同學就放你一馬？」
工聯會 黃國健
「我發覺特首態度係唔服輸，唔忿氣，回答時話『我冇講過我冇僭建』……你會唔會收番呢句話？」
