眾所周知，中國以農立國，經過多年發展，內地城鎮人口今年初才首次超越農民人口，但經濟增長率已以幾何級數上升，無怪乎近期城鎮化概念一落鑊，概念股炒到飛起。話雖如此，現時內地一半同胞仍靠農業維生，加上新一任領導人與農業息息相關，產業重要地位難以動搖。事實上，中央每年初推出嘅一號文件，都以農業作主題，故成為農業股炒上嘅催化劑，當中又以一拖（038）最具概念。
一拖乃本港上市唯一嘅農機製造及銷售企業，產品種類數以百計，大中小型一應俱全。集團首9個月錄得盈利3.3億人仔，年度化市盈率12倍，以龍頭嚟講絕對唔貴。一拖去年同樣喺12月出現異動，股價由最低6.65元起步，一直炒到2月高位9.39元，累積升幅達四成，今年隨時出現翻版走勢，現價極具值博率。睇圖表，一拖上周五一記大陽燭突破7.40元阻力，相信只係熱身動作，坐八望九應無難度，以噚日收市價7.50元計，潛在升幅達兩成。
唐牛