瑞士網球天王費達拿周日喺巴西聖保羅，同德國球手夏斯打表演賽。費天王仲以一身巴西足球國家隊波衫上陣，打到中段仲搵咗個特大嘅網球當足球踢，搞到現場球迷勁興奮。34歲嘅夏斯都穿上巴西國家隊波衫，不過論人氣點及現時世界排名第2嘅費達拿？兩個人都玩得好開心，比賽都變成其次，最後費天王直落兩盤6:4贏波，不過就同對手齊齊捧盃。