哄動本港政商界嘅「新地案」嘅被告郭炳江，噚日山長水遠去到元朗錦光堂作分享見證，吸引好多市民聽佢分享，可見呢位新地主席兼董事總經理嘅吸引力幾咁犀利。
本身係基督徒嘅郭炳江，捲入宗咁大嘅官司，仲做分享見證，證明心情唔係太差啦。公關大員話今次活動唔係公開畀傳媒，所以郭炳江入場時都冇答記者問題。郭炳江同呢間教會算係friend底，皆因07年接受呢間教會嘅訪問、09年亦嚟過嗰度做見證。新地喺元朗有好多興建中嘅樓盤，大部份喺呢間教會隔籬，做完見證，郭總仲可以巡視業務㖭。