吳君如再度獲得十大傑出衣著人士獎，昨日她以120萬元Armani Privé戰衣，襯500萬珠寶重裝到尖沙嘴出席頒獎禮，力壓全場，其他得獎人胡杏兒作男裝打扮、梁詠琪過於casual chic，最閃是前世姐張梓琳，但都不敵君如，君如自言衣着心得是不浮誇。
吳君如、胡杏兒、梁詠琪、方大同、陳曉東、前世界小姐張梓琳、翁嘉穗、吳奇隆、蔡一智和徐楓兒子湯珈誠榮膺今屆十大傑出衣著人士，除湯珈誠外，另外九位得獎者昨日現身尖沙嘴星光大道，領取獎項。
讚陳可辛應獲獎
君如的行頭最為犀利，以120萬元Armani Privé tube dress訂做服襯500萬元Harry Winston珠寶到場，前世姐張梓琳的橙色閃片晚裝，雖最為貴氣，但都不及君如霸氣，胡杏兒的男裝造型、梁詠琪的桃紅上衣褲裝更加冇得鬥。
今次是君如第二次榮膺最佳衣著人士，她透露穿衣心得：「平時唔會刻意話畀人聽我點樣着衫，着衫係我生活態度，唔會為show off而着。自己平時唔會好似喺電影入面咁浮誇，着衫鍾意簡單，似『你睇我唔到』，不過都堅持出街襯衫。」君如更大讚夫婿陳可辛更應獲獎：「佢好注重細節，一粒鈕都注重，咁嘅身材着到咁型好難。」
吳奇隆自稱友善
此外，憑電視劇《步步驚心》在內地竄紅的吳奇隆首度入選，現場更有過百粉絲為他造勢。問有否返港拍戲的計劃，他說：「未有計劃，不過日前見到Paco（黃柏高），出年會有合作。」有否興趣拍王維基電視劇，他說：「自己內地有幾間製作公司，會有四至五套開，自己都參與一至兩部。」有指他走紅扮大牌，他澄清：「你哋問任何記者，我唔識扮大牌，人氣多咗多是非，工作係咁，我自己係好nice。」
採訪：盧妹
攝影：陳順禎