【捱更抵夜】
「要出盡力搓到實，麵包焗出嚟先脹卜卜，冇咁易塌。」新鳳凰麵包店老闆呂喜波，搓麵團搓得滿頭大汗。他說，有些麵包易縮水及塌下，因搓麵團時力度不足。但長年累月下，他前臂及膊頭勞損，需看跌打，自嘲做麵包如做苦力，「呢行捱更抵夜冇得唞，已經冇乜人做！」
後生學徒吃不了苦
每天凌晨2時，呂喜波風雨不改回到舖頭旁的工場，與兩名師傅親手做出三、四千個麵包；至早上6時才開舖，但不少街坊5時半便走入工場，與老闆打個招呼，寒暄一番，放下零錢、拿走麵包上班去。老闆笑着說：「我本來都想唔做，但好多街坊支持，叫我做住先。」客人已變成老友，連移民外地的舊客，每次返港探親時，都必定回來買麵包。
一做44年，辛苦仍要繼續做，因麵包店撐起一家七口，五名子女仍在求學，「佢哋早啲出嚟做嘢，我就早啲退休囉！」他試過請後生仔做麵包學徒，但返工數天便要求出糧，令老闆扯火：「你有冇做到一個麵包出嚟畀人食？」幾個月換了10人，「個個都頂唔順，怕辛苦！」他寧願自己每天工作17小時，也不再請學徒。
《蘋果》記者