26歲嘅美國獨臂拳手紐維爾（Nick Newell）上周六寫下歷史新一頁，佢喺田納西舉行嘅XFC輕量級綜合格鬥爭霸戰，只用82秒就擊退對手維諾迪斯，成為「獨臂格鬥王」！天生冇咗左手掌至左臂部份嘅紐維爾，高中嗰陣加入學校摔跤隊，操咗一課後就嫌辛苦諗過放棄，但媽媽叫佢一定要堅持，結果喺高中同大學贏出逾300場比賽後，09年轉做全職拳手，連同今場在內，職業賽9戰全勝。贏出今仗後，佢開心到瞓喺地上尖叫慶祝，場面好感動，「我嘅目標一直都係成為世界上最好嘅格鬥高手，而唔係一個普通嘅獨臂運動員！」結果佢如願以償，格鬥王之名當之無愧！