【網購飆升】
實體零售商要諗計谷生意，網上團購商卻期望聖誕可賣個滿堂紅。團購網Groupon香港行政總裁楊聖武預料，該網站聖誕檔期生意額可望較平日增加30至40%，其中以電子產品、名牌手袋等最受歡迎，每單交易動輒逾萬元。
生意有望升40%
他說︰「聖誕節係我哋生意最好嘅季節，今年聖誕有望比平日做多30至40%生意」。他指，Groupon香港於11月推出聖誕禮品專頁，把產品分為為「女士禮品」、「男士禮品」及「兒童禮品」等，又把不同價格產品進行分類，瀏覽人數「即刻多咗三成」。他預料，來年公司生意額仍可保持雙位數增長。
楊聖武認為，網上商店可繼續「跑贏大市」，「以前啲人擔心信用卡保安問題，家網上購物咁安全，顧客習慣咗網上消費，買嘅嘢仲越嚟越貴。」他表示，10月本地零售總額僅升4%，創年內次低水平，但該月份香港網購市場整體生意額起碼保持10%增長。
他續稱：「以前可能只買500蚊以下餐廳優惠，曾試過三日內賣出7萬張Triple O's（漢堡包店）優惠券；不過，家啲人買多咗名牌手袋、化妝品、電子產品，試過一日賣出過千部相機、吸塵機。」
有別於傳統網購「平嘢冇好」的觀念，楊聖武指網上買名牌「有得做」，名牌銷售額佔整體盈利比重升至約5%。