香港會計師公會（HKICPA）重選七位理事，聽日係會員投票最後限期，咁啱公會早排決定明年加費，尋求連任嘅鄭中正（Raymond）利用呢個題目拉票，噚日同另一位公會理事龔耀輝有假都唔放，齊齊鬧爆公會唔肯喺周五股東會上為加費進行「公投」。
事緣有會員要求公會喺股東會加多三個議案，包括暫停加費、開壇討論同叫會員就加費公投，點知公會會長上周五回覆，話根據《專業會計師條例》，理事會有權釐定收費，所以唔會喺股東會加呢三個議案。
Raymond噚日就鬧爆公會唔合邏輯，指公會舊年蝕近千萬，應檢討發生乜事先，唔係即刻加費。佢家攞緊法律意見，唔排除申請司法覆核