郭富城、周汶錡、汪詩詩、汪圓圓及林莉等前晚在尖沙嘴出席浪琴表晚宴，正忙於綵排個唱的城城透露，最近再做馬主，與張智霖及圈外朋友夾份買馬。城城愛駒「愛的呼喚」今天出戰沙田舉行的賽事，會與曾志偉的「卡加大師」同場，而奧斯卡影后琦溫絲莉亦會到場。
對於愛駒出戰，城城說：「希望每次跑都有好成績，場地、草地同排位都會影響，第一次跑贏咗，升上三班馬，會同高質素嘅馬比賽，我唔會畀壓力練馬師同馬匹，爸爸（指自己）都會在場打氣，如果贏馬都希望可以邀請琦溫絲莉一齊拉頭馬。」最近志偉爆出掌摑事件，城城說：「唔評論，希望件事快啲雨過天青。」周汶錡則恭喜Lisa S.懷孕：「我老公都鍾意BB，有時想有都未必有，順其自然，唔會試偏方。」
採訪：林嘉慈
攝影：陳俊強
