黃浩的餐廳上月爆出廂房閉路電視拍下有藝人疑似吸毒短片，其後在周刊承認看過該段片，但前日卻突然改口，現綜合黃浩近來的言論，可說是峰迴路轉。
11月22日
「當日有班名人、藝人配偶喺入面捲煙草，有啲丸、粉，我唔知乜嚟嘅。」
11月23日
「總之片入面影到有人食丸，可能係食解酒丸，或者唔知做乜。」
11月24日
「噚日警方問過我係咪有藝人吸毒嘅片，我話係有，咁警方問我可唔可以交出，我答會先同律師研究。」
11月25日
「我曾經接過佢哋啲朋友打嚟恐嚇，呢排都有人透過朋友叫我唔好交出片段。」
11月26日
黃浩當日向周刊承認看過閉路電視紀錄，他說：「當晚有一班圈中熟客喺我餐廳食飯，喺微博鬧我收多錢又亂收費，我至會去翻睇當晚錄影，搞清楚發生乜事。」
12月6日
黃浩回應疑遭人掌摑時說：「某啲藝人有冇喺我餐廳做違法嘅事，我冇資格講，等警方同法官宣判。家成班藝人將矛頭指向我，不分青紅皂白圍攻我，仲要摑我，我究竟做錯咗啲乜嘢事？」
12月7日
黃浩就掌摑事件到警署錄取口供後，忽然反口：「我係未睇過任何人喺我家所指間餐廳作任何非法行為，我冇睇到，但我要澄清我冇買過任何片，冇前員工勒索我，但有人恐嚇我。」
資料來源：《蘋果》資料室