恒指基金嘅目標講明追蹤恒指表現，但《蘋果》上星期踢爆滙豐MPF恒指基金11月回報竟然只升1.27%，大幅跑輸恒指同期1.8%升幅，點解可以咁離譜？
據講有兩個原因：一是追蹤誤差。恒指基金按恒指比例買入一藍子藍籌股，但上月又無恒指換馬，何解會有誤差呢？既然唯一工作追蹤都做唔好，何不直接買盈富基金（2800），起碼可慳一筆少請班「廢柴」。
二是收費貴，更令毛丘一肚火。滙豐智選恒指基金開支比率為1.36%，盈富首150億元資產信託加經理人費為0.1%；次150億元收0.09%；第三個150億元收0.06%，其後0.05%，即係話資產規模越大，收費越平，點都唔會多過0.1%。
同盈富一樣唔使請基金經理揀股，收費貴12.6倍，唔係明搶係乜？
魯毛丘