【吸取教訓】
田北辰雖然揶揄自己所有的家產「肯定差過阿哥好多」，但經過炒燶樓的教訓，他買任何資產都要真金白銀，不會再借錢，自言將賺到的錢儲起一半作現金儲備，以待時機買靚舖自用，另一半則投放回公司在內地擴充開舖。
除了擔任上市公司董事而持有的股票，田北辰強調自己很少沾手股票，「我唔熟股票，唔想為股價起跌影響心情。買基金則被經紀掠完管理費，唔覺得賺到幾多。所以我唔係好嘅投資者，只係將錢擺喺枕頭底，回報追唔到通脹。或者等下一個浪打埋嚟，考慮策略性一筆過買啲靚舖自用，特別係內地比較大機會。」
一朝被蛇咬，十年怕草繩。阿田近年甚少買賣物業，他指其公司G2000只在東莞因業主賣舖而被迫買過。
目前名下在港持有的都是97前買下的壽臣山道大屋及銅鑼灣東角的相連舖位等，因樓價飛升，市值已近13億元。