【時裝王國】
投入逾30年專注湊大G2000這個時裝王國，田北辰形容這是自己的第五個仔。換上一份議員的新工，他目前只能以半退休狀態「遙控」公司業務。但即使子女無心接管，他亦明言堅決不會賣盤，希望品牌流傳，未來計劃交由專業人士打理。
在98年金融風暴，田北辰曾披露當年為保住陷入困局的G2000，向包括胞兄田北俊、中港照相（1123）主席孫大倫、偉易達（303）主席黃子欣和新地（016）郭氏兄弟出售股份，其中郭氏兄弟購入數個百分比的股份。阿田說自己持有逾七成股份，現仍為大股東。
面對外國品牌近年湧港搶市場，他坦言偶爾會有人來洽購，「呢個係我第五個仔，點可以賣仔！咁多年都冇拉闊做十瓣生意，我係有企業感情，亦係我家嘅寄託，耐唔耐去摸吓啲衫，係我最享受嘅人生樂趣。賣盤攞錢分畀子孫反而害咗佢哋，出多幾個二世祖！」
他亦反對子女日後因資金需要而將G2000賣盤，「子孫可享受我創造嘅嘢，將來揸住股份收息嚟幫補生計，但唔係致富，想自己做生意就去銀行借錢。」
盼交專業人士管理
阿田說，「返工衫係必需品，無論新出幾多菜式，我專注做嘅呢碗白飯，肯定唔會遭到淘汰。G2000可以慢慢跑馬拉松，直至五至十代。但冇硬性指標要公司做到有世界排名，只要每日生意比噚日好啲啲就已係好成功，唔會借貸，唔會冒險。」所以他亦無意借助資本市場售出股權來為G2000加速，「由一開始到家，從來都冇諗過將G2000上市，因為我覺得間公司永遠唔會到頂，唔需要放售套現，我家亦冇資金需要。」
快將退下火線，他希望未來G2000交由專業人士打理，他說，「得大女喺公司幫手，但佢就嚟結婚，想做媽咪，講明唔想太博。咁營運可以請叻人做，有家人坐喺董事局監管就得。」