亞視《ATV2012亞洲小姐競選》大中華總決賽有20位佳麗出戰，其中16位佳麗噚日着泳衣見傳媒，有4位因簽證問題缺席。5號許麗莉、9號葉詩琪同15號吳娟都係巨胸族，可惜亞視提供嘅泳衣着到佢哋冇晒睇頭。
紋身女葉詩琪凸晒腩，佢話呢排肥咗，希望減到3kg，佢話自己係運動員，上圍咁重係負擔，着衫又唔靚。佢話如果入圍，會鏟走背脊嘅紋身，相信亞姐唔接受喎。而14號陳唯婧狀態唔錯，樣靚身材好，相信有望爭取佳績。
1號黃璧安之前被爆影過半裸照，佢話相中嘅佢着咗比堅尼，但俾人執走咗，如果做善事先會考慮影裸照。12號韓美玲得18歲，上圍冇乜睇頭，佢話想上圍由A cup升去B cup，有需要都會加3、4個墊。
撰文：洪紅克
