Suki原定計劃日內要到內地拍攝旅遊節目，但近日老公爆出連串風波，她已向無綫請辭，決定留港力撐老公。黃浩昨晚落口供到8時多離開，記者致電問他落口供時可順利，他說：「呢樣嘢我唔方便講。」至於涉毒片段，黃浩表示已把有關資料提供給警方調查，問是否錄影帶都交出，他沒正面回答，只婉轉說：「所知嘅嘢都畀咗。」黃浩之前曾指看過該片段，昨晚忽前言不對後語說：「其實我冇睇過段片，我所知嘅內容同警方講晒，我淨係聽員工同我提過呢件事，我耳仔唔識睇嘢，呢兩星期我好委屈，家庭同我都受到威脅。」
自稱是黃浩契妹的黃榕昨日性感現身旺角，為有份配音的動畫電影《神秘之法》宣傳，對於契哥黃浩近日是非不絕，黃榕說：「佢雖然係高調，但唔似係造新聞嘅人，如果真係有片有證據快啲拎出嚟，家好似好委屈同慘咁！」
商台DJ梁泰來昨日在節目《1圈圈》表示：「黃浩同我講一直想大事化小，佢仲話當初曾經幫口講嗰班藝人食解酒丸喎，想息事寧人，但就俾人咬住唔放。」