新一屆小圈子人大選舉19號舉行。八方聽聞，爭取連任嘅人大代表中，最高危墮馬嘅就係自由黨前主席劉健儀。有人話自由黨係咁反狼，令唔少建制派有微言，因此未必再想喺今屆支持劉健儀。呢邊廂反狼勢力被狙擊，另一邊嘅梁粉候選人亦有暗湧。好似攞成250幾個提名嘅香港專業及資深行政人員協會前會長胡曉明，據聞好多唐營中人唔想畀票，話狼英上任無耐，就委任佢做城大校董會主席，擺明係分贓啦，所以想藉低票挫吓佢銳氣；獲西環支持嘅會計界梁粉區嘯翔，據聞唐營亦唔多like；區嘯翔知名度較胡曉明低，要當選睇怕都要扭盡六壬。