琦琦、Lisa S.、Ana R.和馬德鐘等昨日到灣仔，出席陳嘉容為香港癌症基金推出的慈善相集發佈會。琦琦發燒帶病出席，已病了十天的她，表示病情已好轉，又謂已向準媽媽Lisa S.傳授生女秘方。陳嘉容在相集中有透點照，她說：「我最鍾意入面幾張床照，入行到家冇影過咁sexy。」
馬德鐘直言為藝術及慈善，不介意拍露肌寫真：「最緊要構圖靚，唔係色情而係藝術。」問到王維基的劇集內容重口味，他說：「唔可以單憑一、兩個畫面去睇，要整體性去睇。」他表示不介意演同性戀角色，更揚言想同劉德華合作，即使內容重口味如當年《強姦》般的電影，只要情節合理也可。
採訪：盧妹
攝影：陳慧安