狼振英上任近半年，已經搞出唔少大頭佛，難怪幾間傳媒舉辦嘅2012年十大港聞選舉，同佢有關嘅四單嘢，包括西九比賽漏報利益、捲入黑金政治、山頂僭建以及一上任就有40萬人上街贈興都入圍。當然陳茂波被爆經營劏房兼酒駕，又點會榜上無名？
呢幾單嘢，市民非常關心，但噚日為呢個活動擔任主禮嘅政務司司長林鄭月娥，就揀咗南丫島海難做今年嘅年度新聞，唔揀狼英同酒駕波醜聞嘅醜聞喎。林鄭解釋撞船事故全城哀悼，各部門又發揮無私精神，因此成為佢心目中no.1。
同場嘅鴨脷洲街坊學校小五生馮小純，就唔係咁睇嘞！佢覺得酒駕波亂改屋宇結構搞劏房，可能影響樓宇安全，之後仲被踢爆酒駕，危害市民安全㖭呀，所以選咗呢單醜聞做年度新聞。