釣魚島爭議，美國機構都好關注。雖然保釣行動委員會8月成功登上釣魚島，惹嚟中、日外交風波，但成功登島真係唔容易，美中國際人才交流基金會同美國錢幣公司似乎都戥呢班保釣英雄好開心。早前主動聯絡保釣行動委員會，合作發行限量一萬套嘅中國釣魚島紀念美鈔，仲應承捐50萬畀佢哋。
紀念鈔係四連張嘅一蚊美鈔，鈔上印有五星紅旗同釣魚島嘅中英文字樣，每套賣988蚊；今日起喺彌敦道298號地下同好旺角購物中心一樓大堂發售，每人限購一套。委員會仲安排「保釣英雄」喺售賣點簽售，有冇吸引力呢？