郭富城與熊黛林（Lynn）前晚分別出席品牌活動，城城的愛駒「愛的呼喚」周日出賽，奧斯卡影后琦溫絲莉（Kate Winslet）也會在場，問到會否邀請Lynn出席，他表示有工作在身，未能招呼對方，故不會來；Lynn直言雖然想見琦姐，但不便出席，談到去年聖誕收鑽戒禮物，Lynn謂今年隨便收甚麼都好，這個女友既聽話又乖。
郭富城與女友熊黛林前晚分別出席品牌活動，在跑馬地出席宣傳活動的城城，後日將以手錶代言人身份，與奧斯卡影后琦溫絲莉出席沙田馬場的國際賽活動，城城的愛駒「愛的呼喚」將會參加其他賽事。
黃裙阿王上身
問城城會否邀請Lynn捧場，他笑說：「未必跑贏，嗰日我出席活動，要做嘢，朋友都知我唔得閒，唔可以招呼佢哋，唔會嚟。」記者提議他叫Lynn來招呼時，他就表示不知如何回答，又指記者想像力豐富。他又透露聖誕、新年都忙於工作，除夕要到台灣工作，之後到北京拍賀歲片，記者指他不能陪情人時，城城即扮儍笑說：「吓？我情人？愛的呼喚呀！」同場的王馨平低胸性感出現，勁晒事業線。
至於Lynn前晚出席LV在金鐘太古廣場的新店派對，身穿黃色連身裙的她，被記者取笑「阿王」上身。問她會否以馬主夫人身份後天到沙田捧男友場，她說：「邊個係馬主夫人，我真係想去，有朋友叫我一齊去，我好鍾意琦溫絲莉，好鍾意睇佢《讀愛》（The Reader），不過活動好大型，唔想有人話我博宣傳。」提到城城早前笑言要她出性感年曆，她表示會叫攝影師特製一份：「叫佢key唔同嘅衫喺我度，由1月到12月都係我，出邊買唔到。」
林建億攬兩女
談到聖誕如何慶祝？Lynn說：「佢要做嘢，唔會一齊過。」去年收鑽戒，今年想收甚麼禮物，她說：「未有準備禮物，呢啲係心意，隨便乜都好，等佢部戲出DVD畀我仲有意義。」
此外，王愛倫兒子林建億帶同兩名外籍女伴現身LV活動，他更輕攬兩女纖腰，盡享齊人之福，之後急步入場。
採訪：胡比、盧妹
攝影：黃文偉