【財雄勢大】
洪欣涉嫌欠下巨款的兩間賭廳「大衛會」和「發達會」，背後均由澳門兩大猛人掌控。在新濠天地及銀河等多間外資賭場開設貴賓廳的「大衛會」，據知由有水房背景的港人「黃強」操控；他最初與澳門叠碼仔合作創辦此廳，初期規模較小，後來獲內地富豪注資，越搞越旺。
「公眾人物好快俾人搵到」
「黃強表面上係大衛會最大股東，但其實佢根本都係幫水房賴做嘢，洪小姐若果真係敢喺澳門拖欠水房賴嘅數，肯定睇小對方嘅勢力。最蝕底係佢身為公眾人物，需要拍劇搵錢，行蹤冇得隱瞞，好快俾人搵到。」一名疊碼仔說。
至於洪欣涉嫌欠款的另一賭廳「發達會」，則由14K新紮頭目「阿炳」操控。「阿炳原本跟隨太陽城話事人、即崩牙駒徒孫洗米華搵食，近年先至喺洗米華鼓勵下自立門戶。啱啱打江山對錢銀肯定睇得緊，絕對唔可以喺駒哥或同門面前失威，所以肯定逼洪欣畀個交代佢。」叠碼仔因為拖欠賭廳款項而招至殺身之禍，過往時有發生。06年8月，人稱「貓姐」的叠碼集團首腦周若紅，因無力討回舊債，走投無路下被迫買兇找人謀殺自己及丈夫，作為對賭廳的交代，避免禍及子女。
《蘋果》記者