【掌摑風波之好言相勸】前晚曾志偉和黃浩在婚宴上發生爭執，事件轟動娛樂圈，身為志偉好友的張學友，昨日出席活動時坦言已致電問候；對於黃浩報警聲稱遭藝人掌摑，威嚇他不要交出涉藝人吸毒的錄影帶，學友呼籲：「咁唔係幾好，揸住啲片，盡量以和為貴。」
張學友昨日在海港城出席聖誕籌款揭幕禮，對於好友曾志偉前晚在婚宴上跟黃浩發生爭執，昨日凌晨黃浩報警聲稱遭人掌摑，學友表示已致電問候志偉，他說：「佢OK，喺屋企休息緊。」問有否向志偉了解發生甚麼事？學友稱只問志偉有沒有事：「初初都有啲擔心，講完電話後就冇乜擔心。」
「志偉可能飲多咗」
學友指平時志偉飲醉後，最多只是睡覺及被人抬出去，問學友有否見過志偉亂說話？他說：「自己朋友亂噏嗰啲，好少咁嘅情形，同佢識咗廿幾年，我多過佢好多，佢好少（亂噏），意外嚟嘅，可能最近飲宴多。」
對於近日黃浩的餐廳涉嫌有藝人吸毒，學友表示有睇到少少報道：「好似好神秘，話好多圈中人，但又唔知邊個。」有傳黃浩前晚涉遭人掌摑，是因他握有藝人疑吸毒片段，學友說：「咁唔係幾好，揸住啲片，盡量以和為貴好啲。」至於有否見過圈中人有不良嗜好？學友說：「飲酒會有，食軟性毒品就唔係好多，上癮要戒，唔上癮又冇乜意思，冇乜好處，會影響精神。」問他知否志偉何時出來交代？學友說：「唔知佢見唔見人喎，我以為佢未醒，佢冇嘢，大家唔使擔心，可能係飲多咗。」
此外，杜汶澤昨日與鄒凱光為商台903今晚首播的新節目《咔啦騷》開記者會，阿澤提及黃浩被掌摑事件說：「係咪佢飲醉呀？佢醒未呀？」對藝人於餐廳涉毒片段，他說：「有咪拎出嚟，我冇興趣睇。」
「家仲睇到帶㗎」
鄒凱光則笑說：「乜家仲有地方睇到帶㗎！」鄒凱光昨日在facebook轉貼黃浩被打新聞，寫着：「大化（快）人心！做得好！」
採訪、攝影：李珮洳、溫敏芝