有傳黃浩手上持有吸毒藝人的錄影帶，事件引起牽連大波，前晚黃浩在婚宴上聲稱遭人掌摑，在場的藝人不敢評論太多，但卻一面倒撐到警署助查的曾志偉。
周家蔚：
見唔到有掌摑場面，但睇新聞見到佢（指黃）扮嘔，乜嘢事呀？佢張枱喺我前面，我印像中唔覺佢飲咁多咁醉，記得十點幾左右段時間佢就唔見咗。覺得佢（指黃）想搞到件事好誇張，相信好多人都尊重獎門人，就呢件事嚟睇，佢話要去驗傷，就算真係摑你一巴，驗到乜傷呢，之前佢發生咁多事，全部都搞到去報警，太誇張。
梁烈唯：
真係見唔到件事，走時見唔到佢哋有接觸，志偉哥成日鍾意同人玩，可能黃生緊張啲，有妄想被逼害症，唔信志偉有打人。我唔識黃浩，淨知佢係徐淑敏老公，同埋一路吹啲新聞出嚟，較鍾意製造是非，令自己更有新聞價值。佢成日話自己生意人，但又好似娛樂圈人咁。
謝天華：
我睇唔到，我坐喺另外一邊，志偉同我哋玩到好癲，成日一嘢打落金剛度，我唔係太相信好似報道寫咁樣。
姚樂怡：
唔清楚事件唔評論，但點都會支持阿爸（志偉）。