【特稿】
紅酒協會會長張耀成表示，酒店、酒窖均會舉辦品酒聚餐，搜羅靚酒供會員品嚐，成本由參加者分攤，「話咗有八款酒，就算到時少咗兩個人，都要有八款，冇得減；而且酒要預先開三個鐘唞氣，臨時唔到，啲酒都已經開咗，冇得留番第二日飲，所以唔嚟都要夾錢」。
08年未撤銷酒稅前，不少收藏家將藏酒存放外地酒窖，以免輸港被抽稅。張耀成指酒稅取消後，收藏家紛紛運酒返港，酒窖需求大增，數量由08年前5至6間，增至約30間。租金平至800元存千支酒，貴至數千元存放五箱酒。
應由執達吏接管存酒
酒窖如遇有拖數問題，通常會向法庭申請由執達吏接管存酒，變賣後填數。「冇聽過（餐酒）會俾酒窖抵押，其實都唔係好合理，好似租客欠租，業主點可以入屋沒收佢嘅財產還債？」
此外，品酒聚餐收費介乎數百至上萬元，收費低廉的通常由新酒莊贊助，屬推廣試飲性質；沒贊助的則提供特色餐酒，「啲酒可能好貴，係外行人好難搵到嘅酒」。張耀成看過皇冠菜單後稱，6,000元收費合理，「淨係Coche Dury Corton Charlemagne都值兩萬幾，呢隻酒味道清香優雅，每年生產幾千支，仲要係96年，好罕有，好難得有咁嘅一餐」。惟他表示，品酒聚餐會預先收錢，未交錢的客人，酒窖應再聯絡客人確認出席。
《蘋果》記者