音樂人趙增熹之前與陳潔儀於會展舉行音樂會時，邀請了林子祥（阿Lam）擔任嘉賓。阿熹即時把握了那次的機會，力邀阿Lam一齊開騷，阿Lam一口答應了，但他開出一個條件，就是在演唱會上只會唱歌，唔會講嘢。
林子祥及趙增熹明年2月1及2日於會展舉行「絕不熹祥」演唱會，原來阿熹等待阿Lam一段很長的時間才成事，他說：「其實幾年前我哋合作過一隻Hi Fi碟，之後佢做我同陳潔儀音樂會嘉賓，我已經邀請佢同我一齊開騷。好嘢真係要等好耐，佢做完一個project又一個，家終於輪到我啦。」
花巧設計欠奉
阿Lam笑言不會輕易放過阿熹，他要求對方將自己不同風格的歌曲重新編曲，絕對要為歌迷及他帶來耳目一新的感覺，他說：「呢個對佢嚟講可以話係一個考試，我啲歌有中式、西式、rock、民歌等等，佢今次真係有排搞呀。」
另外，阿熹為了在台上不要陽盛陰衰，決定請來全女班樂手以及女嘉賓，當中有些樂手更要由美國飛過來，所以大部份資金都是用於請樂手及音響方面，他強調大家想看的「花巧嘢」不會出現。沒有煙花爆破、沒有dancers沒有辣身舞，但總要有人間中說兩句話，但今次的兩位主角都是寡言的人，搞氣氛又會由誰負責？阿Lam笑言：「我簽約時寫明唔講嘢㗎，同埋我好想佢開口唱歌，但絕對唔會同佢唱情歌，兩個男人對望唱情歌好難頂呀。」
採訪：李珮洳
攝影：陳俊強
服裝提供：Mr. Collection
場地提供：The Mira