林嘉欣昨日與曹格在又一城出席慈善活動，她身穿黑色鬆身裙出現，身形胖了些，孕味極濃。嘉欣直言夫婿也誤會她再度有喜，她揚言已努力調理身體，年底前會努力造人，失敗的話明年便復工拍戲。
林嘉欣與曹格昨日現身又一城，出席救助兒童會的籌款活動，齊齊與小朋友學織冷帽，林嘉欣有板有眼，很快便上手，曹格就顯得笨手笨腳，十分搞笑。嘉欣身穿黑色連身鬆身裙到場，穿了平底鞋，孕味濃烈，記者問她是否有好消息，她即甜笑：「今朝着呢條裙，先生都以為我大肚，係條裙個層次設計，令到我好似有咗，係我叫馬可嘅朋友設計，佢喺巴黎攞過獎，因為我朋友之前幫佢拍documentary識咗佢。」
唔得明年復工
記者再問是否怕未足三個月怕小器未能講，嘉欣笑了一輪即說：「唔好住，努力緊，最近多人報喜，等天安排，仔女都冇所謂，有就得，女都就快兩歲，都想快啲有，距離唔想咁遠。」會否減少工作，努力造人，她說：「都係，想調理身體，唔畀自己太忙碌，有同老公講咗，年尾唔得，我就復工，唔想太大壓力，順其自然。」嘉欣透露忙於為電影做配音工作：「用唔同方式都可以過足戲癮，之前都為《消失的子彈》配音。」
曹格則表示兩歲多的細女可學習編織，他說：「佢織出嚟唔知似乜，不過可以培養到佢細心有耐性。」
採訪、攝影：盧妹