八方搭車返工時，不時見到身邊乘客用手機睇緊《蘋果日報》嘅新聞，睇嚟《蘋果》app都幾受市民歡迎。八方不得賣花讚花香，讚市民好識揀，事關由廣告界頂尖專業雜誌Marketing magazine主辦嘅首屆Mob-Ex Awards，噚晚舉行頒獎禮，藉此表揚喺手機市場營銷有出色表現嘅機構；而《蘋果》嘅手機app，就憑住豐富嘅新聞內容，文字、影像同動畫多元化嘅報道方式，以及簡單易用嘅介面，擊敗多家本地傳媒機構，勇奪「最佳傳媒手機程式/內容」金獎。
仲有呀，《蘋果》app亦係眾多新聞媒體中，最多市民下載嘅手機程式，至今已有超過250萬人次下載。