黃蜂（圖）02年由夏洛特搬去新奧爾良，令到夏洛特要改名叫山貓。山貓班主米高佐敦早前喺11月，就話過因應球迷嘅要求，有意用番黃蜂個名；如果係真嘅話，新奧爾良要改叫咩名呢？佢哋班主班臣好似已經有idea；聽美國傳媒講，黃蜂下季就會轉名，將以路易斯安那州州鳥鵜鶘、俗稱塘鵝（Pelicans）為球隊新名，仲會轉埋波衫顏色，用紅、金同海軍藍色。